منغير رغى كتير فى البدايه متقلقوش هنرغى كتير بعدين بس هعرفكم بالموضوع البسيط بتاعى
هوه موضوع سهل وبسيط لكل اتنين بيحبوا وطبعا مش لازم الاتنين يكونوا معانا فى المنتدى اى اتنين عموما
هوه عباره عن شويه اسئله هتجاوب عليها فيها اكيد اللى قلته قدام حبيبك وفيها اللى ممكن تكون اول مره تقوله لحبيبك
فى البدايه قبل ماتجاوبوا على الاسئله احب ان كل واحد يعرف الحب بس من وجهه نظره
يعنى ايه اللى بيتمناه فى حبيبه وبيستناه منه وبيستنى منه ايه؟
يعنى الحب من وجهه نظركم مش معناه بصفه عامه
احنا عارفين ان الحب عطاءوتبادل مشاعر وتضحيه وتنازلات ومصطلحات كتيره بقى
بس اللى عايزه اعرفه الحب من وجهه نظركم انتوا معناه ايه جواكم؟
بردو مفيش فايده رغيت كتير قبل ما ابدا الاسئله بس يمكن عشان ده اهم سؤال تعريف الحب من وجهه نظر كل واحد فينا؟
يلا بقى نبدأ الاسئلة
1-ايه اكتر حاجه بتفرحك لما حبيبك يعملها؟
2-ايه اكتر كلمه تفرحك لما حبيبك يقولها؟
3-ليه حبيت حبيبك؟
4-ايه اكتر حاجه بتعصبك وتضايقك منه؟
5-ايه اللى متقدرش تقوله لحبيبك لما بتكون معاه؟
6-اسعد لحظه قضيتها مع حبيبك هيه ايه؟وكانت امتى وفين قصدى يعنى تليفون ولا كان معاك ولا ايه؟
7-الى اى درجه وصل حبكم لبعض؟
8-حبيبك رقم كام فى حياتك وليه؟
9-لو كدبت على حبيبك بيبقى غصب عنك ولا فيه حجات لازم تكدب فيها؟وليه؟
10-لوعملت ايه ممك تقول(لا انا كده هاخون حبيبى)وترجع عنها ومش تعملها
او يعنى بمعنى اصح معنى الخيانه عندك ايه؟
11-ايه الاقرب ليك متقدرش تعيش منغير حبيبك ولا متقدرش تعيش منغير حب؟
12-اهدى اغنيه لحبيبك فيها شعورك من ناحيته..
13-عرفنا بحبيبك بنبذه صغيره عنه..
14-لو حبيبك قدامك دلوقت تحب تقوله ايه؟
15-ايه الاغنيه اللى تحب حبيبك يهديهالك؟ولو عايز تكتب اكتر من اغنيه يلا ماشى(اوكازيون عشان الحبايب)
16-كلمه بتقولها فى بالك اول ماتفتكر حبيبك..ايه هيه؟
17-لو حبيبك قالك على حاجه عشان تعملها وهوه مش بيحبها فيك..تعملها على طول ولا لازم تكون مقتنع الاول وبعد كده تعملها؟
18-تفتكر ممكن تعمل حاجه عشان تنرفز بيها اللى بتحبه؟ولو اه ممكن ليه بتعمل كده؟وتفتكر وتفتكر كده تبقى بتحبه؟ولو لا بردو قول ليه؟
19-لو طول اليوم حبيبك مش رن عليك ولا اتصل بيك وكمان مش بعتلك مسدج ..تعند عليه ولا تسأل عليه وتطمن
اكيد طبعا كله هيقول هسأل واطمن عليه ماهوه حبيبك بردو
بس كل واحد كده يفكر بعقله ويجاوب.....
20-ممكن تقول لحبيبك كلمه مش حاسسها لمجرد انك ترضيه بس؟
21-ايه الكلام اللى بتحبه من حبيبك..ومش شرط يكون كلام حب يعنى اى كلام؟
22-لازم تزوق الكلام عشان تقوله لحبيبك ولابتقول اللى على لسانك على طول؟
23-لو ضعفت قدام حبيبك تضايق ولايكون ايه شعورك،بالكلام او ان تنزل دموعك قدامه او اى شىء تعتبره ضعف ولا ايه؟
24-لو اتضايقت من حبيبك فى حاجه تجرى وتقوله انا زعلان منك فى كذا وكذا ولا تكبر دماغك
-طيب ولو كبرت دماغك تبقى ازاى عايزه يعمل اللى يرضيك وتزعل لو مش عمل اللى يرضيكى ما انت كبرت ومش قلتله اللى بيضايقك
25-اول ماتشوف حبيبك بتحس بايه؟
شوفوا ياجماعه انا عارف انها اساله كتير ولسه عندى تانى كتير بس مؤقتا كفايه دول اصل الحبيب ده الكلام عليه مش هيخلص اكيد لو اتكلمنا عليه
ععموما اتمنى ان مكنش تقلت عليكم فى الاسئله واتمنى ان الكل يجاوب بالتفصيل مش اجابات مختصره وعلى كل الاسئله واللى مش عاجبه سؤال يقوللى عليه وانا هتناقش معاكوا فيه
وياريت اللى يؤيد انى اكتب اسئله تانى وعندكوا الاستعداد انكم تجاوبوا عليها يقوللى وتشجعونى انى اكمل ويمكن اجاوب انا كمان معاكم على الاسئله بس بعد ما اشوف ردودكم
يارب الموضوع يعجبكم ومش هقول ومكنش طولت عليكم لانى فعلا طولت عليكم
سامحونى بقى
بس ده الكلام على الحبيب والحب
مش اى حد يعنى
ميرسى كتير ليكم واتمنى يعجبكم الموضوع
انا عندى اقتراح ياجماعه وياريت لو اعرف انتوا موافقين عليه ولا لاء
انا عايزه نعمل مناقشه مفتوحه ن اى موضوع يعجبكم وممكن نفضل سايبين الموضوع
خلال 3 ايام وبعد كده نناقش موضوع تانى
وانا عن نفسى عايز ابدأبموضوع المسامحه للحبيب
بمعنى لو سامحت حبيبك فى حاجه غلط فى حقك فيها جامد
تعتبر قله كرامه
لو متاكد انه بيحبك بس فيه ناس تانيه مش قادر يبعد عنهم
لو غلط فى اسمك مثلا كل ديه مواضيع احب اعرضها عليكم واخد ارائكم فيها
وياريت لو تشجعوا الفكره تقولولى وتعرفونى ارائكم
ميرسى كتير
موضوع: الىمن يهمه الامر..اسرار قلبك!!, 
الأحد أغسطس 24, 2008 1:32 am
